எவ்வளவு சீரியஸாக குழந்தை நம்மிடம் ஒரு விஷயத்தைப் பேசவந்தாலும் அதற்குக்
காதுகொடுக்காமல் சென்றுவிடுபவர்கள் பலர்.
அப்படியே அவர்கள் பேசுவதைக் கேட்டாலும், அதன் வீரியம் உணராமல், `குழந்தை ஏதோ சீரியல், சினிமாவைப் பாத்துட்டு பேசுதுபோல', '
ஏதோ தெரியாம இப்படிப் பேசியிருக்கும்' என்றே நம்மில் பலரும் அவர்களை நொடிகளில் கடந்துவிடுகிறோம்.
அவ்வளவு பரபரப்பு நமக்கு!
என்றாலும், சில வார்த்தைகளைக் குழந்தைகள் சொல்லக்கேட்கும்போது மட்டும்,`இதை இவர்கள் தெரிந்துதான் பேசுகிறார்களா' என யோசிப்போம்.
அந்த அளவுக்கு வீரியமுள்ள வார்த்தைகளாக அவை இருக்கும். அப்படியானவைதான்,
`ஐ ஹேட் யூ' என்ற வார்த்தைகள்.
`ஹேட்', அதாவது வெறுப்பு என்ற வார்த்தைக்கு முழு அர்த்தத்தையும் குழந்தைகள் உணர்ந்திருக்க வாய்ப்பே இல்லை.
ஆனாலும், அவர்கள் அதைப் பேசுகிறார்கள் எனும்போது, கவனம் செலுத்தவேண்டிய விஷயம் அது.